الهلال السعودي يسخر من الدوري والنادي الأهلي المصري
الهلال السعودي يسخر من الدوري والنادي الأهلي المصري
الاربعاء16 أغسطس2023 سخر الهلال السعودي من الدوري والنادي الأهلي المصري، حيث نشرت صفحة “أخبار الهلال” السعودي على منصة “إكس” للتواصل الاجتماعي، “تويتر” سابقا، صورة مركبة في نصفها العلوي 4 لاعبين من نادي الهلال، هم: نيمار وروبن نيفيز وسافيتش وسعود، وفي النصف السفلي صورة من تتويج الأهلي بلقب الدوري المصري.
وكتب الحساب: “القيمة السوقية لـ4 لاعبين من الهلال تساوي القيمة السوقية للدوري المصري”.
وبعد تداول الصورة على نطاق واسع، اتضح أنه حساب لا يخضع لإدارة نادي الهلال السعودي، رغم أنها موثقة بالعلامة الزرقاء.
وجاء سبب التداول السريع للخبر لكونه جاء بعد أقل من 48 ساعة من تصريحات وليد الفراج الإعلامي السعودي المعروف ضد الدوري المصري ودربي الأهلي والزمالك، وقوله إن ديربي النصر والهلال السعوديين هو الأقوى عربيا.
ورد الاهلاوي احمد السباعي على الفراج قائلا :الاهلي سحق الهلال ٤/٠ في كأس العالم بنصف فريق، الزمالك في اسوء احواله تعادل مع النصر بملايينه في قلب السعوديه.
واضاف السباعي قائلا:عزيزي وليد فراج مع احترامي لشخصك و لكل اشقائنا في المملكه ،لكن عايزك تفتكر كويس ان ده موسم استثنائي في الكوره السعوديه بسبب لاعيبه محترفين غير سعوديين دفعتوا فيهم مبالغ خياليه ومش هيصنعوا لكم اي فارق في المواهب السعوديه الضعيفه ،و الشغف القليل للكوره و اول ما اللاعيبه الكبار دول يفوقوا و تنتهي نشوة البدايات و يكتشفوا انهم بقوا بيلعبوا في دورى متواضع هيلعبوا علي الواقف، و مش هتاخد منهم غير أساميهم.
و من اول الموسم اللي بعده هترجع الكره السعوديه لفقر الموهبه المعتاد و قصر نظر المسؤولين المتأصل فيهم
آفة الكره السعوديه(و العربيه عموما) هي الاحتفال بالإنجاز قبل تحقيقه زي لما احتفلوا بالفوز علي الارجنتين و بعدها خرجوا من الدور الأول،ولا يزعجني كثيرا ان اي دوله عربيه تحقق اي نجاح تنظر فورا لمصر لأن مصر هي الرائده و المثال و هي المقياس و مقام مصر الثابت هو طموح لكل العرب.
وتابع السباعي :مصر حاجه تانيه في كل المجالات فجميع الأشقاء شبوا علي اهداف الخطيب و حسن شحاته و صوت ام كلثوم و علم احمد زويل و مصطفي مشرفه، مصر يا فراج تعشق الكره و كل لما جيل ينتهي بيرجع غيره و الكره المصريه مش هتخلص و لا الابداع المصري هيتدفن و هيفضل ديربي الأهلي و الزمالك هو كلاسيكو العرب،كل اللي بيحصل دلوقتي من خلو المدرجات هو وضع مؤقت و هيرجع كل واحد لمكانته الطبيعيه و هنرجع نعلمك يعني ايه جمهور و يعني ايه كوره،فما تشهده السعوديه الشقيقه هو طفره استثنائيه لن تطول وانت هتشوف بكرة كلامي،و ما تشهده مصر حاليا هي حقبه سيئه وهتعدي ،المهم لما تبعت الإتحاد كاس العالم قوله يجيب فان دايك عشان الاهلي بيتغاشم بعد الرابع .
